Սոչիում ավարտվել է ՖԻԴԵ-ի Գրան պրի առաջնության երկրորդ փուլի 11-րդ տուրը: Այժմ մրցաշարային աղյուսակը 7 միավորով միանձնյա գլխավորում է հայ գրոսմայստեր Լևոն Արոնյանը: Նա նախօրեին պարտության է մատնել իսրայելցի Բորիս Գելֆանդին:
2-4-րդ հորիզոնականները 6.5 միավորով կիսում են Վան Յուեն, Սերգեյ Կարյակինը, Թեյմուր Ռաջաբովը: 6 միավորով 5-7-րդ տեղերում հանգրվանել են Դմիտրի Յակովենկոն, Գատա Կամսկին, Վուգար Հաշիմովը, նրանց 5.5 միավորով հետևում են Վասիլի Իվանչուկը, Ալեքսանդր Գրիշչուկը, Իվան Չեպարինովը: 5 միավորով 11-րդ տեղում Պիտեր Սվիդլերն է, 4.5 միավորով նրան հաջորդում է Բորիս Գելֆանդը, մրցաշարային աղյուսակի նախավերջին տեղում 3.5 միավորով Դավիդ Նավարան է, աղյուսակը ընդամենը 3 միավորով եզրափակում է Ալ Մոդիյահին:

Հիշեցնենք, որ Գրան-պրիի երկրորդ փուլը մեկնարկել է հուլիսի 30-ին և կավարտվի օգոստոսի 15-ին: Մրցաշարում մասնակիցները պայքարում են շրջանաձև մրցակարգով, որի դեպքում նրանցից յուրաքանչյուրը պարտադիր հանդիպում է մյուս մասնակիցների հետ: Մրցանակային հինմադրամը կազմում է 300 000 եվրո:

Հիշեցնենք, որ Գրան-պրիի առաջին փուլը տեղի էր ունեցել այս տարվա ապրիլի 20-ից մայիսի 6-ը`Բաքվում: Լևոն Արոնյանը հրաժարվել էր մասնակցել Բաքվում անցկացվող մրցաշարին: Այնտեղ 1-3-րդ հորիզոնականները բաժանել էին նորվեգացի Մագնուս Կարլսենը, չին Վան Յուեն և ադրբեջանցի Վուգար Հաշիմովը:

---